Aðalfundur Félags eldri borgara í Kópavogi var haldinn 5. mars s.l. Mæting var góð, á að giska um 70 fundarmenn. Fundarstjóri var Baldur Þór Baldvinsson. Formaður félagsins, Margrét Halldórsdóttir, flutti skýrslu stjórnar og Sigrún gjaldkeri fór yfir reikninga félagsins. Starfið á liðnu starfsári var mjög blómlegt og fjárhagsstaða félagsins er góð. Árgjald verður óbreytt, kr. 4.000, fyrir árið 2025.
Að loknu kaffihlé var komið að kosningum. Stjórn FEBK á starfsárinu 2024-2025 er þannig skipuð:
- Margrét Halldórsdóttir, formaður
- Geir Þórðarson, varaformaður
- Sigrún Þorláksdóttir, gjaldkeri
- Stefanía Björnsdóttir, ritari
- Guðni Ásgrímsson (var áður varamaður)
- Guðrún Pétursdóttir
- Helgi Ágústsson
Varastjórn:
- Auður Gísladóttir
- Rannveig Einarsdóttir
- Þorkell Guðfinnsson (nýr í varastjórn)
Þá fór fram kosning skoðunarmanna reikninga, uppstillinganefndar og fulltrúa á þing LEB. 
Hjörvar O Jensson lét af störfum í aðalstjórn og þakkað formaðurinn honum fyrir góð störf fyrir félagið.
Helgi Ágústsson, formaður ferðanefndar, gerði grein fyrir ferðum félagsins innanlands í sumar og Margrét formaður sagði frá ferð félagsins með Úrval-Útsýn til Riga lok maí. Enn eru nokkur sæti laus í þá ferð.
Að lokum þakkaði formaðurinn öllum þeim sem lögðu félaginu lið með frábæru starfi og starfsmönnum félagsmiðstöðva fyrir einstaklega gott samstarf. Þá hvatti formaður félagsmenn til að láta í sér heyra ef þeir hefðu tillögur um eitthvað sem félagið gæti staðið fyrir.
