Hvað er svona merkilegt við almyrkva á sólu?
Sævar Helgi Bragason heldur fyrirlestur í Boðanum, Boðaþingi 9, miðvikudaginn 3. júní kl. 13:00.
.
Námskeið á vegum FEBK eru fyrst og fremst ætluð félagsmönnum. Nánari upplýsingar um námskeiðin eru hér fyrir neðan.
Send er innheimtukrafa fyrir námskeiðsgjaldi í heimabanka.
Þann 12. ágúst 2026 upplifa Íslendingar eina allra fegurstu sýningu náttúrunnar. Almyrkvar á sólu laða ekki aðeins að fjölda ferðamanna heldur vekja líka sérstaklega mikinn áhuga heimafólks. Fjallað verður um sólmyrkva almennt, hvar mögulega er best að vera stóra daginn og hvað þarf til til að fylgjast með sólmyrkvum á öruggan hátt.
Skráning hér fyrir ofan. Skráningargjald kr. 2.400 sem er innheimt með innheimtukröfu í heimabanka. Ekki er send staðfesting á skráningu.
Sævar Helgi Bragason – Stjörnu-Sævar er einn þekktasti vísindamiðlari landsins og hefur um árabil vakið áhuga Íslendinga á stjörnufræði, náttúru og undrum alheimsins. Hann er jarðfræðingur að mennt, kennari, bókahöfundur og fjölmiðlamaður sem margir þekkja úr sjónvarpi, útvarpi og fjölmörgum fræðsluerindum. Með smitandi áhuga og lifandi framsetningu hefur Sævar gert flókin vísindi aðgengileg og skemmtileg fyrir fólk á öllum aldri. Í fyrirlestri sínum um sólmyrkvann mun hann leiða okkur inn í magnaða veröld himintunglanna og varpa ljósi á eitt stórbrotnasta sjónarspil náttúrunnar.
Klúbbar fyrir áhugamálin og ýmis skemmtun
Í félagsmiðstöðvum eru starfræktir hinir ýmsu klúbbar og boðið upp á margvísilegar skemmtanir. Kynnið ykkur endilega starfsemina í félagsmiðstöðvunum.
