Stefán Atli Rúnarsson, viðskiptafræðingur, ætlar að fræða okkur um gervigreindina ChatGPT. Hann hefur haldið fjölmörg vinsæl námskeið um ChatGPT og kennt þúsundum þátttakenda að nýta tæknina á einfaldan og öruggan hátt.

Gervigreind hefur á undanförnum árum haft mikil áhrif á samfélagið og möguleikar hennar eru sífellt að aukast. FEBK heldur áfram að bjóða félagsmönnum fræðslu um ChatGPT og hvernig hægt er að nýta gervigreindina í daglegu lífi.

Stefán er þekktur fyrir að útskýra flókin mál á skýran, aðgengilegan og skemmtilegan hátt. Í dag kynnti hann ChatGPT og sýndi hvernig gervigreind getur verið hagnýtt verkfæri í daglegu lífi – hvort sem það er til að afla upplýsinga, fá aðstoð við textagerð, rifja upp þekkingu eða læra eitthvað nýtt.

Verð kr. 2.100. Skráning neðst á síðunni.

Erfðamál geta varðað okkur öll og mikilvægt er að hafa þekkingu á þeim réttindum og möguleikum sem standa til boða. Hildur Sólveig Pétursdóttir, hæstaréttarlögmaður hjá Land lögmönnum, fjallar um helstu atriði sem varða erfðamál.

Í erindinu verður farið yfir praktísk atriði er varða erfðamál.  Hverjar séu helstu reglur sem gilda í erfðamálum, hvaða atriði það eru sem fólk getur haft áhrif á t.d. með gerð erfðaskrár og hvenær hægt er að ógilda slíkar erfðaskrár. Fjallað verður um réttindi varðandi setu í óskiptu búi og síðan verða umræður og fyrirspurnir.

Verð kr. 2.200. Skráning neðst á síðunni.

Aðstandendur eldri borgara eru velkomnir á fyrirlesturinn.

Fyrirlesturinn er ókeypis en skráning nauðsynleg. 

Skráning neðst á síðunni.

Heilahjálp – samtök um heilabilun (áður Alzheimersamtökin) bjóða til opinnar fræðslu um heilabilun, góð samskipti og stuðning við aðstandendur fyrir Félag eldri borgara í Kópavogi. Fræðslan fer fram í sal félagsins í Gullsmára miðvikudaginn 14. október kl. 13:00. Aðgangur er ókeypis og öll áhugasöm velkomin.

Á fræðslufundunum verður starf samtakanna kynnt og fjallað um þær áskoranir sem einstaklingar með heilabilun og aðstandendur þeirra standa frammi fyrir. Sérstök áhersla verður lögð á mikilvægi góðra samskipta, aukins skilnings og stuðnings við aðstandendur. 

Meiri þekking – minni fordómar

Eitt af meginmarkmiðum samtakanna er að auka þekkingu og dýpka skilning á heilabilun og áhrifum hennar á líf einstaklinga og aðstandenda þeirra.

Það skiptir sköpum að tala opinskátt um heilabilun. Að segja frá greiningu getur dregið úr kvíða og einangrun, bæði fyrir þann sem greinist og aðstandendur. Með aukinni umræðu getum við einnig unnið gegn fordómum og stuðlað að skilningsríkara samfélagi.

Fundargestir fá aukinn skilning á breyttum aðstæðum, hagnýtar hugmyndir að bættum samskiptum og tækifæri til að fræðast og ræða málefni sem snerta marga.

Fræðsluna heldur Thelma Jónsdóttir, fræðslustjóri Heilahjálpar.

Þær Jóna Hulda Pálsdóttir félagsráðgjafi eldra fólks og Halldóra María Hauksdóttir þjónustustjóri heimaþjónustu á velferðarsviði Kópavogs koma til okkar í Gullsmára, miðvikudaginn 28. október kl. 13 og kynna helstu þjónustuúrræði fyrir eldra fólk, veita upplýsingar um þjónustuna og fara yfir umsóknarferli.

Velferðarsvið Kópavogsbæjar veitir eldri borgurum fjölbreytta þjónustu sem stuðlar að sjálfstæði, öryggi og góðum lífsgæðum. Þar má meðal annars fá félagslega ráðgjöf, stuðning og upplýsingar um heimaþjónustu, dagdvöl og önnur úrræði. Einnig er lögð áhersla á félagsstarf og þátttöku sem vinna gegn einangrun og efla virkni. Þjónustan tekur mið af þörfum hvers og eins og miðar að því að fólk geti búið sem lengst heima.

Fyrirlesturinn er ókeypis en skráning nauðsynleg. 

Skráning neðst á síðunni.

Verð kr. 2.500.

Skráning neðst á síðunni.