Laugardagsopnun í Gullsmára

Félag eldri borgara í Kópavogi hefur gert samkomulag við Kópavogsbæ um að hafa opið í einni félagsmiðstöð eldri borgara á laugardögum.

Fyrirkomulagið verður þannig að opið verður til skiptis í Gullsmára og Gjábakka á laugardögum milli kl. 12:00 og 14:00 fram í desember. Í boði verður súpa og brauð á vægu verði og kaffi á könnunni. Tilvalið er að koma og fá góða súpu, hitta félaga, taka í spil eða handavinnu eða bara koma og spjalla og njóta þess að vera með öðrum.

Fólk sem venjulega sækir félagsmiðastöðvar í Gjábakka eða Boðanum er velkomið í Gullsmára á laugardaginn.